Sunnmørsposten skriv fredag ettermiddag at kvinna ankar dommen. Ho meiner at ho verken har medverka til seksuelle overgrep eller gjort seg skuldig i straffbare fysiske overgrep mot borna sine.
- Ho har heile tida hevda at ho ikkje har medverka til seksuelle overgrep, seier advokat Atgeir Almestad, som er forsvarar for kvinna til Sunnmørsposten.
Les også:
Mannen dømd til over sju års fengsel
Overgrepssak i retten i mai. Aktor Jogeir Nogva (f.v.) saman med psykiatarane Terje Tørrissen, John Olav Roaldset. Dei har konkludert med at den tiltalte mannen har diagnosen pedofil.
Faren i huset blei tidlegare i mai dømd til fengsel i sju år og sju månader for ovregrep mot dei tre borna. Mannen skal mellom anna ha forgripe seg på borna, tatt seksuelle bilete av dei og sendt til andre.
Kvinna blei mellom anna dømd for passiv medverknad og fekk ei fengselsstraff på tre år og tre månader. Ho må også betale 200 000 kroner til eitt av barna, 90 000 kroner til to av dei andre.
Meiner ho ikkje skulle vore dømd
Forsvararen seier til Sunnmørsposten at kvinna også meiner at eventuelle fysiske overgrep ikkje er ramma av straffelova og at ho heller ikkje skulle ha vore dømd for dette.
Les også:
Tiltalt for tusenvis av bilete
Aktor Jogeir Nogva la ned påstand om åtte års fengsel for faren i huset. No ankar mora.
Foto: Tone Lin Støfring Skovro / NRKMannen er tiltalt for å ha hatt 79 000 overgrepsbilete og 293 filmsnuttar av eigne og andre sine born. 4. mars i fjor blei politiet kontakta av kollegaer i Canada. No er både mannen og kona dømde, men kona har altså anka.
