Fylkesleiar i SV i Møre og Romsdal, Oddrun Årflot, seier det er eit ope spørsmål om fylkesårsmøtet i morgon vil støtte Audun Lysbakken eller Heikki Holmås som ny leiar for partiet.
-Eg trur det vert vanskeleg å spå utfallet av ei avrøysting. Det er mange i vårt fylke som liker Heikki Holmås, så det er ikkje usansyneleg at han kan nå fram. Dessutan har han besøkt svært mange kommunar i Møre og Romsdal, seier Årflot.
Støtta Lysbakken
Fylkesstyret i SV har tidlegare gått inn for Lysbakken.
Holmås eller Lysbakken? Kampen om leiarvervet i SV hardnar til.
Foto: Amund Aune Nilsen / NRK-Fylkesstyret meiner at Audun Lysbakken har mange gode politiske perspektiv og evner å sjå partiet seie rolle både historisk og i dag. Dessutan er Lysbakken spesielt oppteken av næringsliv og arbeidsliv, noko som vi i Møre og Romsdal SV set høgt, seier Årflot.
Det er landsmøte i SV som skal velje leiaren. Men representantane som sendast til landsmøtet blir bunde av avgjerda på fylkesårsmøte.
-Vi vil at delegatane på landsmøte skal avspegle avstemminga på fylkesårsmøte, Så på den måten blir det en binding, seier Årflot.
