Fylkesleiar Torhild Tønnesen Haugnes meiner tilstrøyminga av nye medlemmer skuldast både terroren i Oslo og på Utøya, og at hendingane der har vore ein vekkar til politisk interesse og engasjement.
– Etter det som skjedde 22. juli trur eg at mange ungdommar har fått behov for å engasjere seg og sympatisere med Arbeiderpartiet eller andre ungdomsorganisasjonar.
Haugnes trur ikkje tilveksten har noko med sympati å gjere. Ho trur at mange unge har hatt lyst til å melde seg inn i eit parti, men aldri har gjort det før no.
– Hendingane i sommar har ført til at mange no endeleg har bestemt seg for at dei vil melde seg inn.
Håper alle blir verande
Torhild Tønnesen Haugnes seier det no er viktig å ta vare på dei som melder seg inn.
– Vi kjem til å halde medlemsmøte for nye medlemmar i fylket. Vi kjem også til å ha kurs for alle tidlegare medlemmer og håper dei vil vere med framleis.
- Og vi vil understreke kor artig det er å vere politisk aktiv og kor viktig det er.
Tønnesen Haugnes trur medlemstalet i AUF i Møre og Romsdal kjem til å vere nær 300 før året er omme.