25-åringen, som er utøvar i Halde SK og på den norske orienteringslandslaget, har stått over fleire konkurransar i vår. No er konklusjonen at han tek seg ein pause.
Han opplyser i ei pressemelding at han den siste tida har mangla overskot, og at han har innsett at han ikkje kjem tilbake i tide til VM.
– Eg er mentalt utlada, og eg har ikkje overskot til å trene optimalt eller konkurrere. I denne situasjonen innser eg at eg ikkje kan oppnå topprestasjonar i VM, fortel Lundanes.
Han vil no prøve å få tilbake både energi og motivasjon til vidare satsing.
Ni EM- og VM-medaljar sidan 2010
Orienteringsløparen frå Ålesund har vore ein av dei dominante i sporten dei siste åra.
I VM 2010, på heimebane i Trondheim, tok Lundanes sitt første VM-gull i seniorklassen. Heilt sidan 2005 har Lundanes imponert i diverse junior-VM og -EM.
Han tok i tillegg VM-gull i Lausanne i 2012 og imponerte med to gull i EM i falun i fjor.
Lundanes har også tre VM-sølv, éi VM-bronse og éi EM-bronse på samvitet.
- Les også:
- Les også:
– Støttar avgjersla
Dag Kaas, toppidrettsansvarleg i Norges Orienteringsforbund, støttar Lundanes i avgjersla.
– Slik situasjonen er for Olav no, støttar vi avgjersla.
– Det viktigaste no er at han får ro og nødvendig tid til å kome tilbake, og at Orienteringsforbundet og Olympiatoppen gir han den støtta og oppfølginga han ønskjer, seier Kaas.