– Helseføretaket braut lova
Helse Møre og Romsdal braut lova i samband med behandlinga av ein psykisk sjuk mann på Nordmøre. Det slår Fylkeslegen fast. I mars i fjor forsøkte mannen å drepe sin eigen far med kniv i Averøy, då han var heime på permisjon. Fylkeslegen slår fast at det å gje han permisjon var uforsvarleg, og at helsepersonell ikkje hadde kartlagt risikoen for at han kom til å ty til vald. I konklusjonen kjem det også fram at det er behov for forbetring på fleire område på avdelinga på Hjelset, der han var innlagt. Mannen blei i haust dømd til psykisk helsevern.
