Alf Dahl meiner kontrakten vil gi store ringverknader utover Shell og Vestbase.
Foto: Aina Rødal / NRK– Ein slik kontrakt vil bety mange ringverknader. Både i byggjefasen, men også når det kjem til ein servicefase, seier Alf Dahl, administrerande direktør på Vestbase i Kristiansund.
Kontrakten går på at Shell leiger 25.000 kvadratmeter på Vestbase, der arealet skal brukast til nye bygg.
Dette gir Shell moglegheita til å ekspandere, mellom anna opp mot Ormen Lange.
Vil halde det lokalt
Arbeidet skal ta til allereie hausten 2013. Samtlege bygg er planlagt ferdigstilt innan utgangen av første kvartal i 2015.
Det er subseaktiviteten som skal utvidast, der større subseahallar er naudsynt. Ifølgje Dahl vil anboda kome før ferien.
– Når bygget skal flyttast inn i, og aktiviteten skal inn, vil det vere svært mykje subseaaktivitet for Shell, fortel Dahl.
Han er også tydeleg på at storkontrakten håper å halde verdiane lokalt.
– Shell har ein ambisjon om å gjere mest mogleg vedlikehald lokalt.
– Så dersom miljøet her i Kristiansund klarer å utdanne og rekruttere nok fagkompetanse, vil det bli betydeleg med aktivtet og ringerverknader for våre leverandørar her i Kristiansund, avsluttar Vestbase-direktøren.
Alf Dahl, administrerande direktør i Vestbase AS, er fornøgd med den nye kontrakten.
