Høgskulen tek i mot kongen

- Eg har aldri sett så mange folk her, seier Kim Arne Kulsli om dei frammøtte ved Høgskolen i Ålesund. I ettermiddag kom kongen.

Kongebesøk ved Høgskolen i Ålesund

KONGEBESØK: Kong Harald og president Dalia Grybauskaité kom onsdag ettermiddag til Høgskolen i Ålesund.

Foto: Frieda Wik / NRK
Kim Arne Kulsli

VENTAR PÅ KONGEN: Kim Arne Kulsli venta på skulen for å få med seg kongebesøket.

Foto: Frieda Wik / NRK
Høgskolen klar for kongebesøk

PYNTA FOR KONGEN: Høgskolen var pynta for å ta i mot konge og president onsdag ettermiddag.

Foto: Frieda Wik / NRK
Jens Folland og Ingrid Helen Liabø

BLOMEBERARAR: Jens Folland og Ingrid Helen Liabø fekk æra av å overrekkje blomar til dei prominente gjestane.

Foto: Frieda Wik / NRK
Kongen på høgskolen i Ålesund

VENTA PÅ KONGEN: Fleire var møtte frem ved Høgskolen i Ålesund før kongen dukka opp.

Foto: Frieda Wik / NRK

Ved inngangspartiet var skulen pynta med raud løpar og både norsk og litauisk flagg. Inne var det stappfullt. Så mange som Kulsli aldri hadde sett på skulen.

- Eg måtte vente så lenge at eg fekk sjå kongen, seier han til NRK.

Kulsli studerer shipping og logistikk ved skulen som i dag tek i mot kong Harald og den litauiske presidenten Dalia Grybauskaité.

Besøkte Sula og Ålesund

Tidlegare i dag har dei to vore innom Fiskerstrand verft i Sula , før dei fekk vere med på byvandring i Ålesund . Før besøket vart Ålesund sentrum gjort klart for dei prominente gjestane.

Når kongen kom til skulen var det Jens Folland og Ingrid Helen Liabø som fekk æra av å overrekkje blomar til dei prominente gjestane.

- Det var veldig stas å få denne oppgava, sa Folland, som er leiar i studentparlamentet ved skulen.

Avsluttar besøket

Inne på Høgskolen heldt rektor Geirmund Oltedal tale til gjestane, før dei fekk omvisning i simulatorane på skulen.

- Det er seks år sidan sist me hadde kongeleg besøk. Då opna kronprinsen skulen, sa Oltedal.

Besøket på skulen er avslutninga på det offisielle besøket, før kongen og den litauiske presidenten returnerer til Oslo.

Siste video/lyd

Avisene bur seg på nok ei helg der folk ikkje får avisa si.
Tidens Krav i Kristiansund set inn ekstratiltak for å kunne å nå ut til alle med laurdagsavisa.
Arbeidsledigheten blant ingeniørene mer en doblet i Møre og Romsdal på ett år.
Skoleelever slår til med annerledes julekalender. Det handler ikke om å få, men å gi til de som trenger det.