Dei tre, alle i 20-åra, er òg mistenkte for å ha brote seg inn i fleire bilar i Molde.
Desse lovbrota skal også ha skjedd natt til tysdag.
Tre mistenkte personar i 20-åra blei pågripne i 14-tida i Kristiansund.
Fanga på overvåkingsvideo
Det var i 7-tida tysdag morgon at politiet melde om ein stolen bil, av typen VW Golf, i Molde sentrum.
Like etter kom det melding frå politiet om fleire innbrot i bilar, alle i parkeringstunnelen i Molde.
Innbrota blei fanga på video, og delar av gjerninga er synleg, seier politiet i Nordmøre og Romsdal.
Arresterte på bensinstasjon
Og det gjekk ikkje for lang tid før politiet i Nordmøre og Romsdal hadde lokalisert tre mistenkte.
På Kongens plass i Kristiansund blei tre personar i 20-åra arrestert. Som ein kan sjå i videoen øvst møtte politiet dei mistenkte på Uno X-stasjonen i sentrum.
Ifølgje augevitne skal dei mistenkte ha stoppa for å fylle luft i bildekka på den stolne bilen.
Der blei dei altså arrestert, og dei tre er mistenkt for både biltjuveri og innbrot i fleire bilar.
