Seglskuter, regn, og paraplyar

– I morgon blir det sol, viss ikkje stiller eg ikkje til attval, sa ordførar Bjørn Tømmerdal (H) i Ålesund under opninga.

Sjølv om det var mange paraplyar å sjå i Ålesund den første dagen på The Tall Ships’ Races, så var det mange som kosa seg.

Ei av dei er Marlen Barstad-Solberg (4) som hadde fått seg pølse og chips, og sat under ein parasoll.

– Eg har sett sjørøvarskuter og ein sjørøvar. Han hadde sjørøvarhatt, og belte på magen, sa ho og la til at ho synest seglskutene er fine å sjå på.

– Eg synest dei har fine flagg, sa ho.

• LES OGSÅ: – Er det skutefest?
• LES OGSÅ: I dag startar Seglskutefesten

Buer og skihopping

Mange hadde tatt turen for å kikke i dei forskjellige buene, for å smake, og kanskje for å kjøpe noko. Kamilla Larsen Ulvestad (13) er ein av dei mange som ville la seg underhalde av hopping på ski og på snøbrett ved Brosundet.

– Det kjekt med alt som skjer, og no gler eg meg til å sjå dei som hoppar. Og så er det er moro å sjå alle båtane, dei har fine segl, seier ho.

Hoppeshowet har vore ein del av Ålesund båtfestival, og Kjell Christian Krohn Dale er med på det fjerde året på rad. Sjølv har han snøbrett på beina når han kastar seg ut i sundet.

– Me har kunstgrasmatter i staden for snø, og det fungerer veldig bra. Det er litt vanskeleg å styre, og det er vel ein 15–16 grader i Brosundet, seier han.

– Me har gode våtdrakter og når adrelinet pumpar så kjenner ein ikkje så mykje til temperaturen, legg han til.

• SJÅ TV-SAK:

  

• SJÅ VIDEO:

  

• SJÅ BILETE:

  

  The Tall Ships Races i Ålesund 27 bilder