Onsdag startar The Tall Ships’ Races i Ålesund, med opningsseremoni på Rådhusplassen. Ifølge NRKs vêrvarslingsteneste YR.no blir det truleg ein grå og våt opningsdag. Til saman er det venta om lag femti seglskuter og over 200 000 besøkande under årets Tall Ships Races i Ålesund.
Det er fjorten år sidan førre gong seglskutene i The Tall Ships’ Races var innom Ålesund, den gong under sponsornamnet Cutty Sark. Då var det over 20 nasjonalitetar representert under mannskapsparaden i byen, medan det i år er over femti påmelde skuter frå 17 ulike nasjonar.
- Les også: Trafikkvakter på plass i Ålesund
Årets festival startar med opningsseremoni onsdag ettermiddag og varer fram til og med laurdag, då skutene forlèt byen. På programmet i år er det mellom anna mange konsertar, båtdåp og ulike aktivitetar.