HAUGESUND: Filmen "Bølgen" baserer seg på frykta for kva som skjer når fjellpartiet Åkneset kjem til å rase ut i Storfjorden og skape ei øydeleggande flodbølgje på 80 meter.
Søndag blir den omstridde filmen vist under opninga av årets filmfestival i Haugesund, og ein av dei som er til stades, er ein av dei som har vore mest skeptiske til å dramatisere den venta katastrofen.
– Det er ei hending av dimensjonar å delta på filmfestivalen i Haugesund, omgrepet "once in a lifetime" gjeld vel for ordføraren i Stranda i dette høvet, seier Tryggestad.
Vedgår at filmen blir heftig
I filmen "Bølgen" går alarmen ved skredsenteret i Geirangerfjorden. Den erfarne geologen Kristian Eikjord (Kristoffer Joner) er brått i det verst tenkjelege marerittet. Familien er splitta og det er berre 10 minutt til den 80 meter høge bølgja treff den vesle bygda.
– Folk kan nok bli vettskremde, men då har vel filmselskapet oppnådd det dei var ute etter. Filmen blir heftig, seier ordførar Tryggestad.
Les også:
Meiner ordføraren ikkje burde reist
Frank Sve, styreleiar i Åknes/Tafjord Beredskap meiner ordføraren burde halde seg i Stranda, i staden for å reise til Haugesund i helga.
Foto: Lena Høyberg / NRKDet har ikkje mangla på skeptikarar som hevdar filmprosjektet er spekulativt og skaper unødvendig frykt. Styreleiar Frank Sve i Åknes/Tafjord Beredskap meiner ordføraren burde halde seg heime.
– Vi har brukt enormt med tid på å få fram at realitetane ikkje er å springe frå ei bølgje, men at varsling og ei eventuell evakuering vil skje på eit tidleg stadium og under full kontroll, seier han, og legg til at han er svært uroa over effekten på barn, unge og turistar.
Les også:
Spent sjefgeolog på plass i Haugesund
Sjefgeolog Lars Harald Blikra i NVE seier han er spent på kor realistisk 'Bølgen' er. Søndag får han svaret.
Foto: Synnøve HoleOgså sjefgeolog Lars Harald Blikra i NVE er på plass i Haugesund. Han er ansvarleg for overvakinga av risikofjellet Åkneset, som filmen handlar om.
– Eg er jo litt spent på kva dei har klart å lage og sjølvsagt kor realistisk dette er. Det er jo ei reell hending dei har laga film om, så det vil kanskje påvirke oss litt og minne oss om at det er ein alvorleg risiko og eit stort ansvar å ha ansvaret for overvakinga, seier han.
Trur dei kan bidra med fakta
Han avviser at NVE ved å vere til stades på filmfestivalen i Haugesund nører opp under frykta for at raset skal kunne kome på svært kort varsel, slik scenarioet er i filmen.
– Nei, eg trur heller vi kan bidra med informasjon, dersom folk og media har spørsmål. Folk vil kanskje samanlikne det reelle tilfellet med filmen og fiksjonen, seier Blikra.
Filmen blir vist for journalistar og andre pressfolk søndag morgon. NRK Møre og Romsdal publiserer fortløpande stoff utover helga om "Bølgen" og reaksjonane filmen får.
