MFK-trenar Kjell Jonevret.
Foto: Arne Flatin / NRK- I dag skal vi prøve ut litt nytt som vi har trent på, men vi veit omlag korleis vi ligg an framfor sesongstart, seier MFK-trenar Kjell Jonevret.
Tek ingen sjanser
I ettermiddag møtes MFK og Sogndal til generalprøve før sensongstart neste helg. Nokre skader fører til at MFK ikkje stiller med serielaget.
- Vi har noko fråfall på grunn av sjukdom og skader og med berre seks dagar att til seriestart tek vi ingen sjanser, seier Jonevret.
Trygg på formen
Molde-trenaren er ikkje spesielt nervøs framfor siste treningskamp.
- Etter dette blir det ikkje fleire privatkampar før sesongen, men vi veit omlag kvar vi ligg. Vi har vore stabile og spelt godt i det siste.
- Vi vil halde fram med å fokusere på å skape sjansar, samstundes som vi har fått til eit stabilt forsvarsspel i det siste. Det hadde vore fint om vi kunne halde fram slik, seier han.
Møter gamlelaget
Nykommar Brian Waltrip møter gamlelaget sitt Sogndal i dag. Det trur trenaren går bra.
- Brian skal spele i dag, men det trur eg han berre tykjer er morosamt. Det er nok ingen problem, seier Jonevret.
