Reduksjonen vil halde fram heilt til 1. juli neste år. Kva som skjer etter det er usikkert.
Dette uroar både godstransportørar og politikarar som i dag hadde møte for å diskutere problemet.
– Må kutte
Direktør for strategi og samfunnskontakt i CargoNet, Bjarne Ivar Wist, seier han ikkje ser noko anna løysing enn å kutte i godstrafikken.
– I den situasjonen vi er, så må vi redusere kostnadene. Vi må bruke mindre personell og materiell enn det vi gjer i dag, seier Wist.
Ifølgje CargoNet blir godstog ståande for lenge å vente på last på stasjonen på Åndalsnes. For dårleg infrastruktur, for dårlig materiell og for dårlege vilkår gjer at CargoNet tener for lite pengar.
– Det er mange prosjekt på gang, men vi må få betre vilkår før dei er på plass, seier Wist.
Fryktar for arbeidsplassar
Reduksjonen bekymrar politikarane, av fleire årsaker.
– Det vil bli mykje meir trafikk over på veg, og alle politikarar både regionalt, nasjonalt, lokalt seier dei vil ha meir over på bane.
– Vi er òg sjølvsagt opptekne av arbeidsplassar og vi er generelt bekymra for utviklinga generelt, med tanke på landet vårt, seier raumaordførar Lars Olav Hustad.
- LES:
- LES:
– Må ta problemet til Oslo
Frp-politikar Harald T. Nesvik meiner noko må gjerast med situasjonen.
– Vi som stortingspolitikarar må ta dette med oss til Oslo. Nettopp for å sjå kva konsekvensar dette kan få, og vil få, for næringslivet i området vårt, seier Nesvik.
Han er òg bekymra for at eit dårlegare tilbod kan føre til at det blir brukt andre måtar å frakte godset ut av regionen på.
Romsdalen er allereie overbelasta av tungtrafikk. No kan det bli enda meir, og samtidig gjere framtida for Raumabana enda meir usikker.