Både NRK og fleire andre medieinstitusjonar forsøkte både i helga og måndag formiddag å få stadfesta om hendinga var meldt til politiet. NRK valde då å avvente situasjonen til politiet eventuelt kom med ei slik stadfesting.
Ein time seinare blei dette også stadfesta overfor NRK.
– Det er riktig at vi etterforskar ei slik sak, seier politiinspektør Ove Brudevoll til NRK.
Brudevoll fortel at ei kvinne kom til valdtektsmottaket i Molde laurdag morgon. Der fortalde ho at ho hadde blitt valdteken i løpet av natta.
– I samband med dette er det sett i gang etterforsking, seier Brudevoll.
Kvinna skal vere midt i 20-åra. Valdtekta skal ha skjedd på Nordmøre.
– No skal vi ta vitneavhøyr og vi skal kartleggje telefontrafikk. Ut over dette avventar vi resultatet av andre undersøkingar som er gjorde.
Brudevoll legg til at saka førebels er i ein tidleg fase og at det dermed er vanskeleg å gå ut med meir informasjon no.