Er det lov å pimpe opp bunaden?

Er du lei av å sjå ut som alle andre i bunaden din 17. mai? Mange ynskjer å sette sitt personlege preg på nasjonaldrakta.

I det siste har stadig fleire kjøpt seg utradisjonelle bunadskjorter med fargar og mønster.

Andre brukar silkesjal i håret eller i halsen, hårbøylar og smykke. Og kva med å bytte ut dei klumpete bunadskoa med meir sexy bunadsstøvlettar, eller joggesko? Og cowboyhatt til herrebunaden?

Norske bunader, som er ein av landets leverandør av bunadar, fryktar at viktig tradisjon går tapt når ein behandlar bunaden på denne måten.

Kva meiner du? Er det lov å pimpe opp bunaden og korleis bør ein gjere det?