– Dette var eit dyr utan framtid, seier distriktssjef Astrid Vea Mork i Mattilsynet på Nordmøre.
Kvalrossen bar tydeleg preg av å vere skadd då den kom til Kristiansund. Den vart oppdaga måndag morgon nær Dalabergan i nordmørsbyen.
– Låg og fresa
Kai Helge Andersen var ein av dei som var i området og såg den skadde kvalrossen.
– Den sumde fram og tilbake, og låg berre og fresa når folk kom for nære, sa han til NRK tidleg nyttårsaftan.
- LES OGSÅ:
– Me har alle ein plikt til å passe på at dyr ikkje lir, seier Vea Mork.
– Mattilsynet gjorde difor eit vedtak om å avlive, fortel ho.
– Ein frisk kvalross ville ikkje kome til Kristiansund
Ein skadd kvalross er ikkje noko å spøke med, kunne akvarist Rune Veiseth ved Akvariet i Ålesund forsikre. Det er uvanleg å sjå slike dyr på kysten, og berre det at den dukka opp i Kristiansund tyder på at noko er gale med den.
Det stadfestar også Vea Mork i Mattilsynet.
– Hadde dette vore eit friskt dyr ville det aldri enda opp i Kristiansund, seier ho.
Viltnemnda i Kristiansund fekk ansvaret for avlivinga etter vedtaket frå Mattilsynet. Kvalrossen vart avliva like før klokka 17 nyttårsaftan.