Laurdag var vegen over Geirangerfjellet berre opne nokre timar før Statens vegvesen måtte stenge på grunn av rasfare. I løpet av ettermiddagen og kvelden gjekk det fire ras i området og det var difor uaktuelt å opne for kolonnekøyring. Turistbussar som skulle til Geiranger måtte i staden ta lange omvegar.
Fire nye ras
I løpet av søndagen har det gått ytterlegare fire ras.
– Totalt er det åtte ras så langt i pinsehelga. Eit av søndagens ras gjekk over vegen, fortel Erna Varhaugvik i Statens vegvesen.
Det skal ikkje vere folk i området mellom dei to stengt bommane.
LES OGSÅ:
Store snømengder
Det er store snømengder i Geirangerfjellet samanlikna med andre år, og det har lagt ned meir snø i helga. Statens vegvesen vil ta ei ny vurdering om rasfaren er over og om vegen dermed kan opnast att måndag formiddag.
– Vi må sjå an ver og føre og om det legg ned meir snø i natt. Det må vere stabilt i fjellet før vi kan opne og der tar vi ingen sjansar, seier Varhaugvik til NRK.