– Står bra til
Politiet opplyser at situasjonen skal vere stabil for mannen i 20-åra som blei utsett for ei valdshending i Volda natt til laurdag. – Dei siste opplysningane vi har er at det etter tilhøva no står bra til med den unge mannen, seier politiinspektør Yngve Skovly i Møre og Romsdal politidistrikt. Mannen blei frakta til Haukeland sjukehus i Bergen for behandling av hovudskadar etter valden.
