– Kutta rammar hardt

Regiondirektør Torill Ytreberg i NHO meiner dei foreslåtte budsjettkutta frå fylkesrådmannen vil sette Møre og Romsdal kraftig tilbake. Fylkeskommunen skal spare 112 millionar kroner, og det er samferdsel og utdanning som må spare mest. Særleg kutta i skulefaga og ferjetilbodet har skapt reaksjonar, og Ytreberg meiner kutta rammar både transportnæringa og ungdommen hardt. Fylkesrådmann Ottar Brage Guttelvik har avvist at fylkeskommunen har for stor administrasjon, men Ytreberg meiner alle steinar må bli snudd.