Dyr skipstunnel
Kvar segling gjennom Stad skipstunnel kostar samfunnet 26.000 kroner. Talet kjem frå ei ekstern kvalitetssikring som har vore gjort på oppdrag frå Samferdselsdepartementet og Finansdepartementet. Likevel forventar fylkesordføraren i Sogn og Fjordane at tunnelen blir bygd som planlagd. – Det er mange vegprosjekt som ikkje blir rekna som samfunnsøkonomisk nyttige, men som det er nyttig å byggje likevel, seier fylkesordførar i Sogn og Fjordane Jenny Følling til NPK.