I rapporten blir byggenemnda kritisert for sviktande tilbakemeldingar til kommunestyret.
I rapporten kjem det fram at prosjektet har vore prega av usikker saksbehandling og uavklarte roller.
Sviktande tilbakemelding
Tilbakemeldingsrutinene frå byggenemnd og rådmann til kommunestyret har svikta.
Melding om endringar av byggeplanar eller forventa overskridingar har ikkje blitt gitt, og samstundes har det i følgje rapporten ikkje vore gode nok rutinar for budsjettering, rekneskap og saksbehandling.
Kommunestyret har blitt sett fullstendig til side i denne saka, meiner Sve.
Kritisk til rapporten
Rådmann i Stranda, Ole Johan Lillestøl, stiller seg kritisk til innhaldet i rapporten.
Han viser til at kontrollutvalet ikkje har kontakta verken byggeleiar for prosjektet eller leiaren i byggenemnda, som begge er sentrale aktørar i saka.
Han vedgår likevel at rutinene kan betrast.