Suomalaiset joulutähđet

Reseptillä tullee noin 25 tähtee.

Sekoita keskenhään maito ja leipomapulveri. Leikkaa huonheenlämmin voi palasiksi, ja sekoita se taikinhaan sormiin kans. Lissää keesami, mutta tee se hithaasti, ette se sekkainttuu helpomin taikinhaan. Tässä reseptissä met käytämä vanilijakeesamii, mutta sie saatat kans käyttäät normaalii keesamii jos sie tahđot. Vaivaa taikina ja anna sen levätä jääkaapissa yksi tiima.

Alternatiivi: Sie saatat ostaat valmhiit voitaikinaplaatat putikista fryysitiskiltä.

Keitä sviskipaloista ja veđestä syltty. Sie et tarvitte paljon vettä. Lissää kanelii ja sokkerii. Anna levätä kylmässä.

Kävelöitä taikina jauhoin kans plaataksi. Käänä taikina välissä ko sie kävelöittet. Leikkaa taikinasta neliskanttii. Käytä taikinapyörää ja leikkaa neliskanttiin joka kulmasta viilto kohti keskivällii, mutta piđä huoli, ette sie et mene liian lähele keskivällii. Taita joka toinen kulma kohti keskivällii, ette sie luot tähtimuođon. Lissää sviskisylttyy tähtiin keskele, ja voitele net munala.

Paista joulutähđet uunin keskivälin ja alavälin välissä 200˚ graadissa noin 12 minuttii, niin ette niistä tullee kultaissii. Anna niitten levätä.

Lissää tähtiin pääle mellistä ko net oon kylmii. Jos sie meinaat pistää net fryyshiin, älä lissää meelistä.

Toivottavasti maistuu!