Rundt 350 norske artistar har stilt seg bak kampanjen "Piracy kills music", som skal hindre ulovleg nedlasting av musikk frå nettet. Men no reagerer fleire artistar som meiner den er for bastant. Nokre tek til og med avstand frå kampanjen.
Skremselstaktikk
Med skremmande musikk og skrekkfilmliknande animasjon frå ein kyrkjegard skal platebransjen hindre at folk lastar ned musikk ulovleg frå internett. Bak kampanjen "Piracy Kills Music", til 8 millionar kroner, står Norges største og tyngste musikkorganisasjonar Gramart, MFO, Norsk Artistforbund, TONO, FONO og IFPI.
Reklamefilmen skisserar fleire skrekk-scenario for musikkbransjen dersom nedlastinga ikkje blir stoppa: Færre artistar kan leve av musikk, plateselskapene ikke kan la artistene være i studio like lenge som før, og dette kan også gå ut over musikkvideoene. Men det verste skal være at det blir stadig færre norske artister og låtskrivarar, fordi plateselskapene ikke har råd til å gi nye aktører sjansen.
- Kan ikkje stå for det
Denne bastante argumentasjonen er det no fleire artistar som tek avstand frå. Blant dei er Stig Førde Aarskog i bandet The School.
- Eg kan ikkje stå bak denne fana, fordi eg ikkje kjenner meg igjen.
The School gjekk med på å delta før dei eigentleg visste korleis kampanjen skulle framstå. Den påkosta filmen og resten av kampanjen, med plakatar og reklameeffekter, vart lansert under by:Larm i Trondheim tidlegare i februar.
- Peikefingerkampanje
Førde Aarskog seier at bandmedlemmene har ulike meiningar om saka, og at dei difor ikkje ønskte å gå ut på verken den eine eller andre sida.
Han er skeptisk til at platebransjen framstiller publikum som kriminelle.
- Dei påstår at det ikkje er ein peikefingerkampanje, men både dei visuelle verkemidla og orda som er brukt tyder på det motsette. Eg vil ikkje kriminalisere eller gjere meg til uvenn med dei som sprer musikken vår og kanskje gjer at det kjem fleire folk på konsertane våre.
120 Days angrar
Også Spellemannsvinnarane i 120 Days har i etterkant lite positivt å si om aksjonen dei har delteke i, i likheit med fleire andre band NRK Kulturnytt har vore i kontakt med. Felles for dei alle er at dei meiner kampanjen er for bastant og svartmaler situasjonen.
Til Adresseavisa seier ein indignert 120 Days-vokalist Ådne Meisfjord at det er ein einaste grunn til at dei er med på kampanjen.
- Vi var så sløve at vi ikkje rakk å si nei i tide.