Dievdu galgá maid leat báhčalan ja maŋŋil dán dáhpáhusa, de bidje politiijat meari, ahte dát golmmas eai beasa lahkonitge.
Áššáskuhtton dievdu lea vigiheapme, lohká su bealušteaddji Trond Pedersen Biti
Galgá leat maid áitán nuorra pára
Lei diibmá, čakčat, go muhtin boazodoalli galgá leat áitán guoktása, goappašagat soai leaba su lagaš fuolkkit ja nissonolbmot.
Dievdu galgá maid leat guokte luođa báhččán ja seammás áitán ovtta nuorra pára, ahte son báhčá sudno gállui.
Ii leat áigon geange áitit
Dievdu lea áššáskuhtton ráŋggáštuslága paragráfa 227 vuođul go lea roavvát áitán, dadjá Oarje-Finnmárkku politiijainspektevra Thomas Eliassen Darell.
Dievddu bealušteaddji Trond Pedersen Biti ii loga iežas klieantta mieđihit sivalažžan. Son ii leat áigun geange áitit.
Seammás mearridedje Politiijat diibmá ahte dievdu ja nisson guovttos eai beasa oba lahkonitge.
Riidosivvan sáhttá leat go dievdu oaččui sierra siidaoasi
Riidogaskaoapmin dahje sivvango dát golmmas riiddáskedje, sáhttá leat dannego dievdu diibmá oaččui sierra siidaoasi, man lagaš olbmot cakkastedje lohká Biti.
Politiijat eai hálit muitalit man lagaš fulkkežat dát golmmas leat, muhto otne go diggi álgá Sis Finnmárkku diggegottis, de muitaluvvo fuolkevuođas.
Nissonguokte veahkkebealušteaddji Roy Berntsen ii hálit kommenteret áššis ovdal dikki
- Guldal ášši: