Eit digert tre som velta under orkanen gjorde at fleire store steinblokker har rast ut frå trappene opp til turistmagneten Aksla. No har Ålesund kommune stengt trappene.
Panoramautsikt
Å gå dei 419 trappetrinna opp til det fantastiske utkikspunktet, der ein har panoramautsikt over heile byen og øyane rundt, er eit "must" for turistane som besøker Ålesund.
Fleire hundre kilo tunge steinar
Men no er det farleg å gå trappene. Steinblokkene som har rast ut, var fundamentet til nokre av trinna, og no manglar dei støtte.
Samstundes ligg det laus stein i terrenget ved.
skriv på sine heimesider at steinane kan vere opptil fleire hundre kilo tunge.
- Vi er bekymra for at nokon skal setje dei i enda meir bevegelse, seier verksemdsleiar Oddvar Kongsvik.
Ber om arbeidsro
Trappene har vore sperra sidan romjula, men det er ikkje alle som bryr seg om det.
Kommunen ber no folk respektere sperringane og at det no pågår sikringsarbeid.