Det seier regionvegsjef Berit Brendskag Lied etter at Vegdirektoratet la fram handlingsprogrammet i dag.
Dobling på riksvegnettet
Det kjem meir pengar til riksvegnettet. Regionvegsjef Berit Brendskag Lied seier det blir ei dobling i forhold til i år. - Vi skal omsette bort i 4 milliardar kroner i perioden 2010 - 2013 berre i Møre og Romsdal, seier ho.
Byggestart i 2011
Berit Brendskag Lied stadfester at det blir byggestart både på Vågetunnelen og Tresfjordbrua i 2011. - Ja, vi har lagt inn 200 millionar kroner til Vågetunnelen og Tresfjordbrua i 2011. I følgje Norsk transportplan skal heile løyvinga ligge inne i perioden 2010 - 2013. Alle store prosjekt som dette må gjennom kvalitetssikring. Det tek vi til med no. Når alt er på plass startar vi med fullt trøkk. Full drift blir det frå 2011, seier Berit Brendskag Lied.
Oppdølstranda
Også Oppdølstranda ligg inne i handlingsprogrammet. Det er sett av 400 millionar kroner i perioden 2010 - 2013. - Men vi får også 200 nye millionar kroner i perioden etter, seier Brendskag Lied. - Vi foreslår byggestart også for denne tunnelen i 2011, seier ho.