Det er avisa som i dag skriv om at den svenske regjeringa har bestemt seg for kva som kan vere «fordelaktig bavaringsstatus» for dei svenske rovviltbestandane. Dei opnar for å skyte ned 3700 rovdyr.
Med ei slik halvvering av den store rovviltstammen i Skandinavia, håper leiar Odd Bjarne Bjørdal i Møre og Romsdal Sau og Geit at ulven vil halde seg unna Møre og Romsdal.
– Reduserer dei stammen sin, reduserer ein vandringa av ulv hit.
– Har ikkje behov for ulv
Odd Bjarne Bjørdal meiner ein ikkje har behov for ulv i Noreg
Foto: Knut HustadNorges Naturvernforbund kaller det svenske vedtaket forferdeleg, og meiner at om ein reduserer stammen i Sverige, bør ein auke den i Noreg.
Det synest Odd Bjarne Bjørdal er heilt bak mål.
– Det er så mykje ulv i Sverige at ulven må vandre ut på grunn av plassmangel. Ein trur at om lag 100 ulv vil vandre over grensa frå Sverige til Noreg neste år, seier han.
– Vi har ikkje behov for å ha så mykje ulv her, dei kan ikkje leve saman med beitedyra.
Skotpremie
I sommar skapte Bjørdal sterke reaksjonar då han gjekk ut og lovde skotpremie på freda vilt i fylket.
Les:
Han meiner at sjølv om stammen vert redusert i Sverige, så har dei så mykje rovdyr i Sverige, Finland og Russland at det ikkje er noko fare for at stammen skal døy ut.
– Av dei 12 ulvane som er avliva i år har 10 vandra over frå Sverige. No kan det hende vi klarer å halde rovdyrstammen nede på eit akseptabelt nivå, slik at vi ikkje får så mykje rovdyr i Møre og Romsdal.
– Må ha ein aktiv kamp mot rovdyra
No skulle han ønskje at dei norske politikarane tenkte i same banen som dei svenske.
– Vi må ha ein aktiv kamp mot rovdyra, det er det einaste som hjelper. Om ein fører ein fornuftig rovdyrpolitikk i Noreg også, vil det vere positivt for utmarksnæringa.
Les:
Sauebønder i Møre og Romsdal er ikkje dei bøndene i landet som har vore mest plaga av ulv, likevel trur Bjørdal at det vil kome meir og meir ulv til fylket.
– Det er berre snakk om tid før det er ulv over heile landet, seier Bjørdal
