Manneksapet la ferja til ro på Ona i går fordi dei trudde den kanskje hadde hatt ei grunnberøring på første turen i går.
Les også:
Ingen folk
Den flunkande nye ferja "Kvaløy" fekk problem allereie på første dagen i rute mellom Ona-Sandøy- Orta- Finnøy- og Småge.
– Mannskapet har ein mistanke om at det har vore ei grunnberøing, seier marknads- og kommunikasjonssjef Viviann Eikanger, i Torghatten Nord.
Det var ingen bilar eller passasjerar om bord under hendinga. Ferja ligg no til kai ved Ona og ventar på dykkarar. Hendinga er rutinemessig meldt inn til Sjøfartsdirektoratet.
Nettopp døypt
Det er tromsøselskapet Torghatten Nord som driftar strekninga.
Ferja Kvaløy vart døypt på hurtigrutekaia i Molde 20. desember med Gunn Berit Gjerde som gudmor.
Uheldig
At den har vore ute for grunnberøring allereie første dag, ser Ekanger på som eit hendeleg uhell.
– Vi har flinke sjøfolk om bord, så dette er berre slikt som kan skje, seier ho til NRK.
Ferja kjem tidlegast i rute i morgon tidleg.