Fride Nordstrand Nilsen (19) frå Valderøya på Sunnmøre er nemleg på Space Camp i Nordland. Og ikkje nok med det – der får ho prøve seg som rakettforskar i ei veke.
- Les også:
23 ungdommar er no samla på Andøya for å snakke om vitskapen, romfart og alt anna som røyrer seg i verdsrommet.
Nerdar lev ut draumen
Ungdommane, som er mellom 16 og 20 år, er plukka frå åtte ulike land. Nordstrand Nilsen seier ho er heldig som får lov å vere med. Sjølv seier ho at dei er ein gjeng nerdar som lev ut draumen.
– Det er veldig kjekt å møte folk som har dei same interessene som meg, seier ho.
Avisa Øy-Blikk omtalte rakettforskaren torsdag.
Nittenåringen har planar om å studere matte og fysikk ved NTNU til hausten – og kanskje er det nettopp romfart som blir hennar felt når utdanninga er over.
– Eg er interessert i romfart og vitskap elles. Men det blir kanskje romfart, det er veldig spennande.
Får skyte opp rakett
I løpet av samlinga skal ungdommane bygge ein modellrakett som dei etter kvart skal sende opp for å så samle inn data.
Men det er endå ikkje avgjort kven som får æra av å trykke på knappen som skyt opp raketten.
– Det er det nok mange som vil, seier rakettforskaren lurt.
