Sámi Radio mieldbargi Klemet Anders Sara finada Áhkkávákkis, Gáivuonas gulaskuddamin masa doppe geavahedje horstaseahka ovddešáigge.
Horstaseahkat eai leat šat dán áigge nu dábálačča, illa dáid šat oaidná anus. Danne fertii Klemet Anders Sara gulaskuddat olbmuid gos diekkáraččaid gávnnašii. Harald Furuseth Áhkkávákkis leia almmái geas gal gávnnai váikke man olu horstaseahkaid.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.