Statsbudsjettet 2025 i Vestland

31 ordførarar og tre fylkesordførarar har signert eit opprop mot å kutta støtta til dei fire geoparkane i Noreg som har Unesco-status. To av desse ligg på Vestlandet, mellom anna i Sunnhordland. Sidan 2020 har staten løyvd éin million kroner til kvar park, men i år er støtta teke vekk. «Fire Unesco-statusar står her på spel,» heiter det i oppropet. Bak oppropet står blant andre fylkesordførar Jon Askeland (Sp) i Vestland, pluss fylkesordførarane i Vestfold og Telemark. I tillegg er ein rad andre ordførarar frå både Nordland, Vestland, Rogaland, Vestfold, og Telemark, på lista.

Nærings- og fiskeridepartementet føreslår å setje av 137 millionar kroner til Stad skipstunnel i framlegget til statsbudsjett for neste år.

Midlane skal i hovudsak gå til førebuande arbeid og gjennomføring av anbodskonkurransen.

Prosjektet skal etter planen på anbod no i haust. Regjeringa kjem attende til Stortinget med framlegg til vidare framdrift i prosjektet når resultatet av anbodskonkurransen er kjend.

Finansbyråd Jacob Mæhle (H) i Bergen er skuffa over statsbudsjettet, sjølv om det også blei slik han forventa.

– Regjeringa må ha høyrt at kommunane har ropt om hjelp i over eit halvt år no. Me har bedt om auke i frie midlar, me har bedt om at dei kompenserer for renter og hjelper til oss i tida me er inne i no, seier Mæhle.

Han meiner regjeringa ikkje har lytta til dette.

– Det betyr at Bergen står aleine, og at me har ein situasjon der det er rik stat og fattig kommune i Noreg, seier Mæhle.

Det er sett av 6,8 milliardar meir til kommunane, men dette meiner Mæhle at ikkje er nok.

– I realiteten er det berre pengar til å dekke for pris- og lønnsvekst i kommunane og ta unna for den demografiske utviklinga, sånn som staten skal gjere, og har lova heile vegen at dei skal gjere.

Mæhle meiner at utover det, er Bergen avfeia med småpengar, som gjer at dei må forhalde seg til den økonomiske situasjonen deira, utan hjelp frå staten si side.

– Det er fortvilande når me veit at vi står overfor et meirforbruk på 600 millionar i Bergen, og drastisk auke i rente og avdrag.

Utbetringa av riksveg 15 Strynefjellet får høgare prioritet innanfor Statens vegvesen sin portefølje.

I sommar vart det klart at fleirtalet på Stortinget var blitt samde om å flytte utbetringa med arm til Geiranger til første periode i NTP.

I framlegget til statsbudsjett skriv regjeringa at målet er å starte opp prosjektet i første seksårsperiode av NTP.

Det er ikke satt av penger til nybygg for Griegakademiet i Bergen i forslaget til statsbudsjett.

– Vi er dypt skuffet over at Griegakademiet ikke er prioritert. Det hadde vi forventet. Vi må nå stille spørsmål ved om regjeringen i det hele tatt ønsker å bygge et nytt Griegakademi, sier UiB-rektor Margareth Hagen i en pressemelding.

Hun viser til at de nåværende lokalene er helseskadelige, og mener studentene fortjener noe bedre.