Nominert til årets unge bønder
Anders Gåsemyr og Julia Riise frå Byrkjelo i Gloppen er nominert til årets unge bønder, det skriv Firda Tidend.
Til trass for sin unge alder har 27- og 23-åringen allereie opplevd alle bønders mareritt då fjøsen brann ned og fleire dyr miste livet oktober 2022.
I ettertid har dei bretta om ermene og bygga ny fjøs og stått på i eit yrke der fleire legg ned drifta.
No er det unge paret nominert til prisen som skal delast ut av Noregs Bygdeungdomslag, Felleskjøpet og McDonald's.