Landbruk i Vestland

Riksrevisjonen har evaluert intensjonsavtalen mellom staten og jordbruket, og konkluderer med at målet ikkje er innanfor rekkevidd.

– Ingenting tyder på at det er mogleg for jordbruket å få til store utsleppskutt innan 2030, seier riksrevisor Karl Eirik Schjøtt-Pedersen.

Han karakteriserer avtalen som «urealistisk» og prega av «uklare ansvarsforhold». I klimameldinga varslar regjeringa ei mogleg reforhandling av klimaavtalen med jordbruksorganisasjonane.

– Då må partane sette meir realistiske mål og ta reelle vegval, slik at Landbruks- og matdepartementet faktisk kan styre etter dei, seier Schjøtt-Pedersen.

Bøndene i Jølster har fått avslag frå Miljødirektoratet på fellingsløyvet på jerv. No søkjer dei difor Statsforvaltaren om løyve, seier sauebonde Øystein Årdal.

Han er også leiar i det lokale beitelaget.

Utan fellingsløyve ser Årdal mørkt på beitesesongen. Årsaka er at det dagleg vert det gjort nye observasjonar av jerven i same området.

Tine fekk eit driftsresultat på 688 millionar kroner i første tertial (januar til april). Det svarer til ein inntektsvekst på 6,8 prosent samanlikna med same periode i fjor. I rapporten skriv selskapet at veksten var driven av «endring i produktmiks».

EU vedtar torsdag å innføre toll på russisk mineralgjødsel.

Norske bønder og gjødselprodusentar har kalla det eit paradoks at Europa importerer meir russisk nitrogengjødsel enn dei gjorde før invasjonen i 2022. Nikolai Astrup (H) kallar tollvedtaket «svært gode nyheiter» og «ikkje ein augeblink for tidleg». Det såkalla «gjødsel-unntaket» er grunngitt med matsikkerheit.

I jordbruksoppgjeret blir det oppretta ei ny tilskotsordning til setrar med mjølkeproduksjon. Målet med ordninga er å sikre langsiktig og berekraftig seterdrift gjennom å støtte nødvendig oppgradering og modernisering.

Seterkultur blei i desember i fjor ført opp på UNESCOs liste over immateriell kulturarv.