NRK Meny
Normal

– Blomkålen er seig som viskelær

– På Frosta har me måtte pløye ned heile åkrar med salathovud òg fordi dei får brune kantar i varmen, seier Idun Bratberg i Norsk landbruksrådgjeving.

Blomkål

FARGE OG KONSISTENS: Rosa eller gulbrun blir blomkålen viss den får det for varmt og tørt.

Foto: Anne Lognvik / NRK

– Me vatnar helst om natta slik at minst mogeleg fordampar og held seg i jorda.

Det seier Idun Bratberg i Norsk landsbruksrådgjeving.

Idun Bratberg

I KÅLROTÅKEREN: Idun Bratberg (t.h.) informerar om bær og grønsaker for Norsk landbruksrådgjeving.

Foto: Privat

I Frosta kommune får dei lov til å brukt vatn frå det kommunale vassverket på dei aller fleste åkrar. Vasskjelda er Hovdalsvatnet på Frosta, og der er det enno bra med vatn.

– Det er særleg bær og grønsaker som treng godt med vatn no for å bli skikkeleg modne.

Bøndene må skaffe vatn sjølve

Men Frosta er den einaste kommunen i Nord-Trøndelag der bøndene får bruke av det kommunale vatnet. Det seier Paul Arne Tilset i landbruksavdelinga til fylkesmannen.

– Elles i fylket har bøndene stort sett eigne ordningar. Då pumpar dei vatn frå innsjøar, dammar og elver, legg det i røyrgater fram til åkrane sine og brukar vatningsmaskiner.

– Men når det er så tørt og varmt som no, vil nok mange bønder få problemer, seier Tilset.

Mindre og ikkje så saftige

Sjølv om bøndene har betre tilgang på vatn i Frosta kommune enn i andre kommunar i fylket, slit likevel bæra og grønsakene i varmen der òg.

– Sesongen blir òg kortare for frukt og bær når det er varmt, forklarar Idun Bartberg.

(artikkelen held fram under bilete)

Jordbær

INGEN AUGUSTBÆR: Det blir ikkje jordbær utover hausten i år.

Foto: Solum, Stian Lysberg / NTB scanpix

– Vanlegvis varar jordbærsesongen i seks veker. Då har me jordbær til langt ut i august her i Trøndelag. Men denne sommaren er den i staden på tre-fire veker, og allereie denne veka er fleire jordbærfelt ferdigplukka for i år, seier Bratberg.

Veks bæra for fort blir dei ikkje slik me vil ha dei.

– Bæra blir mindre i storleik og dei blir mindre saftige, fortel ho.

– Når det blir mindre bær i kilo og kortare sesong, blir det lågare inntekt for bøndene.

Forbod mot hagevatning

Det er ikkje berre bøndene som slit. Folk har òg problem med tørre hagar.

Engelsk te-rose, Rosa Diadem

MINDRE VATN: Det er no forbod mot hagevatning i mange kommunar i Nord-Trøndelag.

Foto: Brynjulf Litlere, Planteguiden

I fleire kommunar i Nord-Trøndelag er det no forbode å vatne plenar og hagar. Nokre kommunar nøyer seg med å oppmode folk om å ikkje vatne.

– Det er spesielt hagevatninga som er problemet, seier Berit Slåttnes Aune i Inderøy kommune.

– Me har eit høgt døgnforbruk no. Vassbassenga er nedtappa og me greier ikkje å rense nok vatn til å halde tritt med forbruket. Derfor oppmodar me no folk om å ikkje vatne hagane sine.

Video fra Trøndelag

Midtnytt
Det er julebordstid, og uhell kan skje, skal vi tro tannlegene...
Fra 1. januar får du nyheter klokka 18:55, 20:55 og 22:55.