NRK Meny
Normal

Amalie Iuel utslått: – Eg vart for passiv

Amalie Iuel (22) sprang inn til femteplass i forsøksheatet på 400-meter hekk i OL i Rio, på tida 56,75. Det heldt nok ikkje for å ta seg vidare.

Amalie Iuel

SER: Her ser Amalie Iuel at tida hennar ikkje var god nok til å ta seg vidare til semifinalen på 400-meter hekk i OL.

Foto: Ruud, Vidar / NTB scanpix

– Det vart for passiv. Eg hadde ein fin start, men i siste sving vart eg litt for forsiktig, seier Iuel til NRK etter OL-debuten.

22-åringen var skuffa etter at ho måtte innsjå at ho ikkje gjekk vidare til semifinalen, men ho tar med seg mykje positivt frå OL.

– Eg er her for å læra og eg har lært utruleg mykje, så det vert mykje betre til neste gong. Opplevinga har vore heilt topp, seier ho.

Tida var ikkje god nok til å ta seg vidare til morgondagens semifinale, men til slutt var det berre to tidelar som skilde ho frå den siste kvinna som gjekk til finalen.

– Eg prøve å halde kontroll på nervane før start, og det har ikkje vore lett. Men kanskje var eg litt for roleg før starten, og klarte ikkje å vera like gira som eg burde, seier ho.

Hekkeløparen fekk ikkje den beste oppladinga til konkurransen. Grunna kraftig regnvêr vart friidrettskonkurransen utsett i ein dryg halvtime.

Rekord i EM

55.79 var tida ho sprang på i semifinalen under EM i Amsterdam tidlegare i år. Det var både ny norsk rekord og tida som sikra ho plass i Rio. I finalen låg ho bra an inn på oppløpet, men stivna og enda til slutt på sjetteplass.

Ho dreiv tidlegare med mangekamp, men bekrefta tidlegare i år at ho vraka den øving for å satse på 400-meter hekk.

– Eg skal fortsette å satse på hekk og kanskje litt høgde. Mangekamp har eg slutta med, seier ho til NRK etter OL-debuten på 400-meter hekk.

På herranes 400-meter hekk tidlegare måndag sette Karsten Warholm ny norsk rekord, sprang på nest beste tid i kvalifiseringa og den fjerde beste tida i verda i år.

Siste nytt

  • Ronaldo ble årets spiller

    Cristiano Ronaldo ble kåret til årets spiller under FIFAs prisutdelingsgalla i London mandag. Real Madrid-stjernen har vunnet priser på løpende bånd de siste sesongene. Mandag stakk han av med en ny gjev utmerkelse – i kamp med Barcelonas Lionel Messi og Paris Saint-Germains Neymar.

    FBL-FIFA-AWARDS
    Foto: GLYN KIRK / AFP
  • Real Madrid-tungt «årets lag»

    Årets lag ble ikke overraskende svært Real Madrid-tungt. Forrige sesongs mesterligavinnere var representert med seks spillere: Gianluigi Buffon - Dani Alves, Sergio Ramos, Leonardo Bonucci, Marcelo - Luka Modric, Toni Kroos, Andres Iniesta - Lionel Messi, Cristiano Ronaldo, Neymar.

    Britain The Best FIFA Awards
    Foto: Alastair Grant / AP

Sendeplan

Kl. Program Kanal