Widerøe-girdit eai liikkáge mana
Uhccán bargiid ja pilohtaid dihtii de kansellere girdifitnodat máŋgga girdimátkki miehtá Norgga dán geasi. Widerøe gulahallandirektevra Silje Brandvoll dadjá Helgelands blad:ii ahte fitnodagas leamaš eambbo virgelobit ja eretcealkimat dán giđa go vurdojuvvon. Johtolatdepartemeanta árvvoštallá dál unnidit ruhtadoarjaga girdifitnodahkii. Sii geat leat juo tiŋgon bileahtaid, ávžžuhuvvojit guovllastit girdijohtolatdieđuid ovdal go dollejit mátkái.