Son lea ovdalge čohkken dieđuid sámi báikenamain, de sutnje lea karta-dutkan oahpes ášši. Su kántorbevddiin leabbajit kárttat. Dáid kárttaid gohčoda økokártan, dat leat M7-11 kárttat. Daid kárttaid dat Yngve Johansen geavaha go lea čohkkemin ja mearkumin sámi báikenamaid Unjárggas.
Badjel 3000 báikenama merkon
Dán rádjai leat sii juo merkon 3000 báikenama. Kárttain eai leat eai eisige nie ollu báikenamat, eaige aba čáhkadivččege kárttaide buot dáid namaid. Sin digitála báikenamma barggus, lohká iežaset maid mearkut suopmanerohusaid mielde. Dalle čállet sii namaid nu mo olbmot daid dadjet unjárgga suopmana mielde, ja de vel nu mo dat čállinvuogis čállojit.
Báikenamat leat ollu, danne go buot eatnamat dán vuona birra leat geavahuvvon, sihke boažo- ja eanadoalus.
Ráhkadit digitála kártta
Sii rahkadit digitála kártta, ja dan kártii galgá de sáhttit bidjat čilgehusaid. Sii bidjet dakkáraš rukses čuoggáid. Ja go dáid ruksesčuoggáid deaddila de ihtet čilgehusat. Doppe gulla mo namma daddjo, mo čállo ja lea govva kártabihttáin. Ja jos dan báikkis lea makkár nu erenomáš muitalus, det bidjet sii dange dán čuoggai.
Dát digitála kárta galgá leat ávkin boahttevaš buolvvaide. Dál lea dávjá nu ahte go muhtin boaresolmmoš jápmá, de su mielde jávket maid muhtin sámi báikenamat. Dás dokko galget dát gávdnot ođđa digitála kárttas, lohká Yngve Johansen.