Vuonat rahppon stuorra fatnasiidda

Norgga Guolástussearvi lea duhtavaš go guolástusministtar lea rahpan vejolašvuođa stuorra fatnasiidda oassálastit makreallabivddus vuotnalinjjá siskkobealde, vuonain Romssas máttás guvlui golggotmánu rádjai.
Vuotnalinjjá siskkobealde dábálaččat eai galgga beassat bivdit fatnasiiguin mat leat guhkit go 15 mehtera.
Mearrasámi guolástussearvi, Bivdi, lea váruhan guolástusministara spiehkastit eret dán váldonjuolggadusas. Muhto ministar dagai dan lihkká Norgga Guolástussearvvi ávžžuhusa vuođul.