Vuohttán gumppe
Stáda luonddubearráigeahčču lea dál vuohttán gumppe maid leat oaidnán máŋgga sajes Gaska-Romssas daid maŋemuš beivviid. Stáda luonddubearráigeahču boraspireovddasvástideaddji Thomas Johansen dadjá Nordlys áviisii ahte sii leat vuohttán gumppe Basečohka láhka, Gaska-Romssas. Johansen dadjá áviisii ahte sii jáhkket ahte gumppe vánddarda eret dán guovllus ja ahte sii bohtet čuovvut maid gumppe bargá ovddasguvlui.