Vuodján biillain juhkanvuođas
Altaposten čállá ahte muhtin 33 jahkásaš almmái Álttás lea dubmejuvvon Álttá diggegottis máksit 60 duhát kruvdnosaš sáhku, seammás čohkkát giddagasas 24 beaivve maŋŋá go vujii biillain juhkanvuođas. Áššáskuhttinis čuožžu ahte almmái vujii juhkanvuođas biillain cuoŋománu 8.beaivve. Varraiskosat váldojedje seamma ija, ja čájehedje ahte albmá varas lei promilla 1,84. Áššáskuhtton almmái celkkii dikkis ahte ii leat sivalaš.