Vuittii heargegonagasvuodjimiid
Sámi heargi Kultata lei falimus ikte Anára heargegonagasgilvovuodjimiin. Kultala-hearggi eaiggáduššaba Ohcejohkalaš Ari-Heikki Aikio ja Roavvenjárgalaš Jarno Konttaniemi.
Báišduoddara bálgosa gullevaš hearggi vujii Roavvenjárgalaš Eemil Sarajärvi.
Kultala lea ođđa gilvovuoján ja ii lean ovdal gilvalan gonagasgilvvuin. Lihkká lei Kultalas beaivvi buoremus beallemátkki áigi. Eaiggát Ari-Heikki Aikio lea duhtavaš.
– Na gal mun veahá suoli vurden, ahte dat vuoitá.