Guokte tuiskalaš turistta válddahalaiga ikte eahkes 300 kilosaš guollenođiin Kivilompolo tuollostašuvnna bokte go leigga Supmii jođus. Tuollárat gávdne oktiibuot 259 kg dorskefileaija, 26 kilo dorskeoivviid ja 14 kilo dorskevuoivasa. Olgoriikalaččain ii leat lohpi váldit go 15 kilo fileaija olggos Norggas. Nu de sáhkohalaiga 12.400 kruvnnain ja nubbi ges 13.500 kruvnnain.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.