Váttis oažžut vuođđoláhkii eanetlogu

Go juo ollugat Stuorradikkis eai dáhtoše vuođđolága jorgaluvvot ođđa dárogillii ge, de dáidá vel váddásat leat oažžut eanetlogu sámegieljorgaleapmái. Stuorradikki konstitušuvnna ja dárkkistanlávdegotti nubbijođiheaddji, ja Ovddádusbellodaga Kenneth Svendsen, dat dovddaha dan.

Ii dieđe vel maid oaivvilda

Ikte deaivvadii ge son Sámedikkiin, ja iige loga vel diehtit maid son oaivvilda sámegieljorgaleami birra, muhto lohpida ahte Ovddádusbellodat ge arvvoštallá duođalaččat Sámedikki evttohusa go dat boahtá.

Stuorradikki Dárkkistan ja konstitušuvnna lávdegoddi lea meannudeamen evttohusaid dasa movt gielalaččat galggašii ođasmahttit norgga vuođđolága, goappaš váldo dárogielsuopmaniidda.

Gáibiduvvo eanetlohku

Miessemanus dat galgá stuorradiggi jienastit dan áššis ja áiddo dal orru šaddamen nu ahte ii oktage evttohus oaččo 2/3-oasi eanetlogu, mii gáibiduvvo ovdalogo stuorradiggi sáhttá rievdadit juoga vuođđolágas.

Eai dáhto jorgaleami ođđadárogillii

Olgešbellodat ja gurutbellodat, geažidit ahte sii dáhttot vuođđolága bisuhuvvot dainna boaresmállet dárogielain mii maŋimus rievdaduvvui 1903 as. Eai ge dáhto jorgaleame ođđadárogillii ge.

Stuorra symbolálaš árvu

Sámedikke presideanta Aili Keskitalo, lohka sámiide livčče stuorra symbolalaš arvu, jus norgga deháleamos dokumeanta , vuođđoláhka maid jorgaluvvošii sámegillii. sámediggi goit áigu evttohit dakkár rievdadusa vuođđoláhkii.

• Gulda ášši: