NRK Meny
Normal

Váile 30 miljovdna falástallanrusttegiidda

Falástallanrusttegiidda Finnmárkkus juolluduvvo dál 28,5 miljovdna ruvdno Norgga spealloruđain. Dan mearridii Finnmárkku fylkkasuohkana kultuvrra ja johtalussuorggi váldolávdegoddi.

Geir Ove Bakken

Finnmárkku fylkka kultur- ja johtolaga váldolávdegotti jođiheaddji, Geir Ove Bakken (BB).

Foto: Privat

Oktiibuot 81 doarjjaohcama ledje boahtán lávdegotti meannudeapmái, ja ledje ohcán oktiibuot 91 miljovnna ruvnno doarjaga falástallandoaimmaide ja rusttegiidda.

Vuojadanáldásii doarjja

Eanemus doarjja juolluduvvui Várggáid suohkana vuojadanáldása huksemii máŋggageavahusvisttis Várggáin, oktiibuot 7,5 miljovnna ruvnno. Girkonjárgga skuvla Mátta-Várjjagis oaččui guokte miljovnna lášmohallanhálla huksemii.

Spábba, báhčin ja boazu

Eará doarjjaoažžuid gaskkas gávdnat earret eará Deanu čuoiganbáhčinsearvvi mii oažžu 875-dufát ruvnno, Deanu báhčinsearvi 507-dufát ruvnno. Nordlys falástallansearvvi oažžu 750-dufát ruvnno goanstaráššegokčasa molsut Niitoguolbana spábbečiekčašiljus. Duottar Hearggit Guovdageainnus ožžot 642-dufát ruvnno doarjaga Heargesprintabáná huksemii.

Loga eanet juolludemiid birra dás: Tildelinger til Idrettsanlegg i Finnmark