NRK Meny

Váidan politiijaide

Norgga sámediggi lea váidán politiijaide go muhtin lea ráfehuhttán kulturmuitobáikki Voagátis Nordlánddas Kalleholmen nammasaš báikkis. Nordlándda fylkkasuohkan ja Sámediggi fuomašeigga miessemánu 14. beaivve ahte muhtin lea roggan sullii 80 rokki Kallholmena ráfáiduhtton kulturmuitobáikkis gos lea eanačomát ja mánga sámi kulturmuittu ja danne lea báiki automáhtalaččat ráfáiduhtton kulturmuitolága mielde. Vihtán muitala ahte muhtin lea oidnon guovllus rusttegin mainna ohcet metallaid. Politiijat leat sádden reivve sámediggái suoidnemánus mas duođaštit ahte leat dutkamin ášši.