NRK Meny
Normal

Vahkkolohppii liehmuda

Davvin leat dál leamašan moadde čoaska beaivvi, muhto dál lea Meteorologalaš instituhtas illusáhka, go lávvardaga fas liehmuda.

Sommer, sol og bading

Meteorologalaš instituhtas dieđihit ahte vahkuloahpas lea davvin beaivvádat ja 20 lieggaceahki.

Foto: Hansen, Alf Ove / SCANPIX

Moatti čoaska beaivvi maŋŋá, liehmuda Sis-Finnmárkkus vahkkoloahpas, muitala stáhtameteorologa Hanne Sigrun Byhring.

Son dadjá ahte lávvardaga sáhttá leat 17-18 lieggaceahki ja sotnabeaivái lea vuordimis 20 gráđa.

Sihke lávvardaga ja bearjadaga báitá beaivváš maid gaskkohagaid, muhto gaskabeaivvi maŋŋá sáhttá arvvestit.
Liegga geassedálkkit joatkašuvvet maid boahtte vahku, muhto dalle molsašuvvá dálki dávjjit, muhtomin obbadálki ja muhtomin gis beaivvádat.

Guldal ášši: