NRK Meny
Normal

Vaenie samien maana-filmh

Saemien maanah tjuerieh maana-filmh jih dvd filmh daaroen gielesne govledh jih vuejnedh. Dovrehke jih maanafilmem saemien gielese jarkoestidh.

Stillbilde fra Disney-filmen FROZEN, bryggen i Bergen

Ij ennje dihte Frost filme saemien gielesne båata.

Foto: Disney

Gaajhk maana- filmh maam Nøørjen kinosne jallh dvdesne vuesiehtieh, daaroen gielesne. Ij akte dejstie filmijste, saemien gielese jarkoestamme.

Ij gænnah, dihte daaroen/saemien filme Frost saemien gielesne båata.– Jis beetneh-vierhtieh åtneme dellie eah leah mijjieh daam maahteme heerredh, jeahta dihte direktøøre Disney Norge Inger Warendorph.

Saemien gieleambassadøøre, Ristin Guntnel Eira tuhtjie dah saemien maanah edtjieh åadtjodh filmh, saemien gielesne vuejnedh jih govledh.

–Eah gaajhkh maanah daaroen gielem eensi-laakan maehtieh, gåessie smaave lean jih dellie tjuerieh maana- filmh daaroen gielesne govledh jih vuejnedh.

Lohkh aaj : Bare én samisk barnefilm på DVD - NRK Sápmi

Ij naan beetnegh.

Gåessie dah ålkoerijhken filmh nøørjese båetieh dellie gaajhkh filmh daaroen gielese jarkoestehtieh. Dah filmedistributør maeksieh jih daaroen gielese jarkoestehtedh.

–Ibie mijjieh utnieh beetneh-vierhtieh jih saemien gielese jarkoestehtedh daam tjuara gieh jeatja daarjodh, jeahta Heidi Weber ,SF Norge, mij lea Nøørjen støøremes filmdistributøøre mij filmide duaka daan Nøørjen Kinose.

Dåarjeme daerpies.

SF Norge bievnede jis edtja maanafilmem daaroengielese jarkoestidh tjuara 150 000- 200 000 fierhten filmen åvteste maeksedh, duvrebe sjædta jis dah skuespillerh åehpies lean.

– Duvremes sjædta jih dah stoerre animasjovnefilmide daaroengielese jarkoestehtedh, jeahta direktøøre Inger Warendorph Disney Norge.

Dihte vielie bievnedi tjoerin 1 milljon kr maeksedh jih daam stoerre filmem Frost daaroen gielese jarkoestehtedh.

–Seamma dovres sjidteme jih daam filmem saemien gielese jarkoestidh, jeahta Warendorph.

–Fahkoeh dellie !Giele ambassadøre Risten Guntel Eira tuhtjie rovnehke ij naan beetneh-vierhtieh gååvnesidh jih filmem saemien gielese jarkoestidh. Dah saemien politihkerh tjuerieh fahkedh jih beetnegh daan barkose maeksedh.