NRK Meny
Normal

Tornensis ja Mienna studioguossin

Magnus Tornensis ja Rolf Erling Mienna leaba Alit Boazu joavkku rumbočuojaheaddji ja lávlu, ja golggotmánu 3. beaivvi finadeigga soai Luo-Mus Máilmmis.

Magnus Tornensis, Halvard Rundberg ja Rolf Erling Mienna
Foto: Erlend Leithe / NRK

MAGNUS JA ROFFEN LUO-MUS GUOSSIN 3/10-08

Dá leat Alit Boazu:

  • Rolf Erling Mienna - lávlu
  • Ørjan Garfjell - gitára
  • Magnus Tornensis - rumbbut
  • Halvard Rundberg - gitára
  • Øystein Karlsen - bássa
  • Herman Rundberg - synthersizer

Vuosttaš sámi "Ukas urørt"

Gáivuon-joavku Alit Boazu lea máilmmi vuosttaš sámi artista mii lea nammaduvvon "Ukas Urørtan". Dát dáhpáhuvai 35 vahkkus dán jagi, ja sihke Magnus ja Rolf Erling leaba movttegat dainna. Dat lea mearkkašan ollu sidjiide, lohkaba soai.

LOGA: Vuosttaš sámi "Ukas Urørt"

Bargame ođđa cdain

.

Alit Boazu oaččui diibmá 55.000 ruvnno Sámedikkis. Dán ruđa lea joavku bidjan ođđa cd-almmuheapmái, ja dainna cdain sii leat ge bargame dán čavčča. Vahkku maŋŋel go Rolf Erling ja Magnus leigga Luo-Mus Máilmmis, manaiga Osloi báddet eanet lávlagiid. Muhto ii goabbá ge hálit dadjat maide ahte goassážii cd gárvána.

- Dalle han olbmot vurdet ja jearahit ahte goas de gárvána, bohkosa Rolf Erling. Ja seammás dadjá ahte gal dat gárvána ovdal 2010.

Loga: Dá lea Alit Boazu ja sin beakkán fuolkkit