NRK Meny
Normal

Sveerjen tjïeltij ektiedæjjah

Sveerjen åarjelsaemien tjïeltij ektiedæjjah , sijhtieh raarastalledh jih eadtjalgovvedh, Nøørjesne.

Snåsa kommune

Snåasen tjïelte voestemes åarjelsaemien tjïelte gïelereereme dajvesne.

Foto: NRK

Snåasen tjïelte, daan gïele reereme dajvese, jaepien 2008 meatan sjidti. Snåasen tjïelte guhkemes, guektien gïelen tjïelte orreme, åarjelsaemien dajvesne. Daelie jeatjah tjïelth sijtieh båatedh jih barkoe raeriem, Snåasen tjïelteste åadtjodh. Daan våhkan dellie govhte ektiedæjjah Sveerjen bieleste, Snåasen tjïeltem guessiedin.

Stoerre barkoe Sveerjesne.

Sanna L Streuka, ektiedæjja Kraapohken tjïelteste dihte tuhtjie geerve jih jijtjen tjïeltesne barkedh.

Sanna L Strauka

Kraahpohken ektiedæjja Sanna L Streuka.

Foto: Ristin Persson / NRK

– Gaajh barkoes jih geerve jih mov tjïeltem jaksedh. Jih nemhtieh govlem jeatjah tjïeltijne aaj. Luste daesnie vuejnedh, guktie Snåasen tjïelte barkoeminie maana giertene jih aaj magkeres viehkie dihte båarasåabpoe boelve åadtjoeh , jeahta Streuka.

Sveerjen bielesne dellie uktsie åarjel saemien tjïelth meatan gïele reereme dajvesne. Daejtie tjïeltijde dogh daaghk gaevnieh.

Nedte-viermie tjieltiej gaskem.

Dah leah nedte sijjiem (Praedtie) øørneme, mij edtja daam gïele barkoem ektiedidh. Fïerhte tjïelte åtna aktem ektiedæjjam, dah nuepiem utnieh, golme, nielje aejkien jaepesne råakedidh.

Karin Rensberg Rihpa ektiedæjja Heerjedaelien tjïeltesne, dihte vuajna joekehtsem Sveerjen gon Nøørjen tjïeltiej gaskem.

Karin Rensberg Rihpa

Heerjedaelien ektiedæjja Karin Rensberg Rihpa.

Foto: Ristin Persson / NRK

– Snåasesne guhkebe jakseme! Vuajna dah gåetie mierhkh, geajnoe skilth jih jijnje vielie. Mijjieh daelie guvviedamme, edtjebe åejvide vuesiehtidh.

Sveerjesne daate gïele-laake orre jih Rensberg- Rihpa vuajna dihte haesteme stoerre Sveerjen bielesne.

–Snåasesne dellie jienebh saemieh tjåanghkoesne årroeminie. Mijjien luvnie Heerjedaelesne dellie saemieh haasenamme. Dihte støøremes saemien voene lea Bienjedaelie, dah jeatjah tjïelth aaj daarpasjieh saemien learerh jih jeatjah saemien barkije almetjh. Dellie guhkie gaskem sjædta. Dihte støøremes tjoepere lea jih almetjh gaavnedh, mij saemien gïelem maehtieh jeahta Rensberg Rihpa.