Suoma sámediggeválggaid galget ođđasit lágidit
Suoma Alimus hálddahusriekti lea mearridan, ahte mannan čavčča sámediggeválggaid galgá lágidit ođđasit.
Alimus hálddahusriekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.
ON olmmošriekti- ja nállevealahankomiteat leat gávnnahan, ahte Suopma lea rihkkon riikkaidgaskasaš soahpamušaid, go alimus hálddahusriekti lea dohkkehan olbmuid válgalogahallamii, Sámedikki dáhtu vuostá. Dát ahte leat dohkkehan olbmuid jienastuslohkui, leat loavkašuhttán sámiid iešmearridanrievtti, ákkastalai válgalávdegoddi.
Mannan čavčča válljejuvvon Sámediggi lea geargan doaibmat easka moadde mánotbaji, čállá Yle Sápmi