Hopp til innhold

Steavdnet ráđđehusa

Natur og ungdom, dahje luondu ja nuorat, leat mearridan ja mieđihan čuovvolit dálkkádatváidimii go leat oljju bohkan Barentsábis, guoktelogi goalmmát konsešuvnnašvuorus. Nuoraidorganisašuvdna háliidit dál ovttas earret eará Greenpeace ja eará organisašuvnnaiguin ja eaŋkilolbmuiguin stevdnet ráđđehusa go sii leat rihkkon vuođđolága paragráfa 112.

Korte nyheter

  • Oahpaheddjiid bargoheaitta bissehuvvo

    Ráđđehus duođašta ahte šadda bákkolaš bálkalávdegoddi. Dát mearkkaša ahte oahppit sáhttet máhccat skuvllaide.

    – Go riidu orru leame oalat lássejuvvon ja bargoheaitagis leat duođalaš váikkuhusat servodahkii, de lea mu mielas bággu sehkket iežan sisa, dadjá bargoministtár Marte Mjøs Persen.

  • Háliida oahppat eambbo sámi álbmoga dearvvašvuođabálvalusaid birra

    Rukses bellodaga dearvvašvuođa ja fuolahuslávdegotti lahttu ráđđehusas, Seher Aydar galledii Kárášjoga otne. Son lei Kárášjogas sámi klinihkas ja deaivvadii sámi doavtterservviin maid. Seher Aydar háliida oahppat eambbo sámi álbmoga dearvvašvuođabálvalusaid birra ja makkár dárbbut leat sámi álbmogis dearvvašvuođa hárrái. Son áigu de jearrat Stuoradikkis movt sáhttet sii buoridit sámi álbmoga dearvvašvuođabálvalusaid.

    Seher Aydar dadjá ahte álgoálbmogis galget leat seamma rievttit dearvvašvuođabálvalusas go dan maid earáin lea. Son oaidná ahte sus ja sis geat barget politihkain stuorradikkis, lea beare unnán diehtu sámi álbmoga birra, muhto maiddái ahte sámi álbmot ii oaččo dearvvašvuođarivttiid maidda sis lea riekti. Aydar dadjá ahte de lea sin ovddasvástádus oahppat dan birra ja maiddái fállát seammaárvosaš dearvvašvuođafálaldaga sámiide:

    Seher Aydar stortingsrepresentant for Rødt
    Foto: Mathias Moene Rød / NRK